教育王國
標題: 叩門等消息中的家長同學們 千萬別氣餒 加油正能量 [打印本頁]
作者: s2000 時間: 18-7-20 17:17 標題: 叩門等消息中的家長同學們 千萬別氣餒 加油正能量
記得放榜當日 孩子派左一間我都不認識嘅學校 當時心情還沒有什麼 因為諗住叩門應該都得掛
結果當日我一次過交了五份表格 五間都是最心儀的中學 有兩間安排第二日考試 有兩間就即場面試
到了第三日終於收到兩間學校的電話 安排面試見校長 但係都是沒有消息 我個心知道如果星期一都沒有消息的話就肯定落空了 星期一晚我真係喊咗出嚟 覺得自己做得不好 點解唔交多幾份表格 叩多幾間學校呢
亦同孩子講 你努力考好中一上學期的成績表 我哋中一申請插班 千其唔好唔開心 冇問題的 我和爸爸一家人會支持你
又到星期二要考PS1 了 我叮囑孩子要盡力做好 為母校的師弟師妹做好成績 將來佢哋排位都會好一點
考完試後 奇蹟的事出現了 竟然收到某間學校的通知 成功取錄了 當時真係喜極而泣 心情簡直由地獄上返天堂 因為真係冇諗過星期二還可以收到電話 現在真係鬆了一口氣
各位家長 我相信音樂椅未完的 大家千祈唔好放棄 好消息等緊你地 加油 💪
作者: kingwhale 時間: 18-7-20 18:32 標題: 回覆樓主
恭喜你！
我見你好似係九龍城區！
請問最終邊間學校收左？
我仔個幼稚園小學九年同學case同你好相似，
可惜仲未有着落
作者: mw7183 時間: 18-7-20 21:02
s2000 發表於 18-7-20 17:17 
記得放榜當日 孩子派左一間我都不認識嘅學校 當時心情還沒有什麼 因為諗住叩門應該都得掛
結果當日我一次過 ...
對啊
我仔都系今日先叩到第一志願
作者: s2000 時間: 18-7-20 21:10
回覆 kingwhale 的帖子
何文田區
作者: Queenielam88 時間: 18-7-20 21:34
s2000 發表於 18-7-20 17:17
記得放榜當日 孩子派左一間我都不認識嘅學校 當時心情還沒有什麼 因為諗住叩門應該都得掛
結果當日我一次過 ...
樓主，我記得你囝囝係九龍城區band 1仔，之前都係target喇沙，迦密，華英，九華，我真係估唔到派位結果會咁差 我真係好難想像你地當時嘅心情。但好彩囝囝可以憑實力成功叩門 
呢個升中派位真係折磨死人。
希望各位叩門小朋友可以快啲接到佳音。
作者: Heihomami 時間: 18-7-20 22:28
恭喜。我地仍然繼續等，希望有奇蹟出現。
作者: 峰仔媽咪 時間: 18-7-20 22:36
如果我派位當日叩左間原來唔收本區叩門嘅學校，
面試都無，
咁現在已過左叩門時段，我應該再寄份申請表去，
還是等插班?
作者: joeyxlma 時間: 18-7-20 23:51
回覆 峰仔媽咪 的帖子
我估和買六合彩一樣, 唔買一定唔中...
雖說是錯過了, 不過聽說到完了這一批叩門之後又有人走, 尤其到8月, 學校未必主動補人而剛好你又入信, 好像是有機會的. 所以建議你申請, 可以寄信去連埋學校申請表.
作者: s2000 時間: 18-7-21 00:33
給大家少少意見 第一日交表的時候 由於沒有準備 所以我是沒有寫叩門信的第二日上午仍然收不到取錄通知 所以我就立即寫了叩門信交給學校
我相信有幫助的
作者: amkkwan 時間: 18-7-21 06:13 標題: 回覆樓主:
我也曾致電曾叩門的學校，均說已沒有叩門位。那麼，應該現時再補寄叩門信或是等明年申請中二插班呢? 請有經驗的家長分享，謝謝
作者: crazyhippo 時間: 18-7-21 09:52
本帖最後由 crazyhippo 於 18-7-21 09:54 編輯
PRES1已考, 叩門的時間亦已過. 每間學校的新生入學名單亦塵埃落定. 雖然零星叩門成功個案仍然會發生, 但如果是合適, 學校早應該於中一註冊日或考PS1日/之前已通知. 補寄叩門信, 相信作用不大. 關於插班, 視乎中一成績及由什麼校轉什麼校吧! 插班都要考筆試, 有校內成績, 筆試成績若然不理想, 也不會成功.
希望你是零星個案的幸運兒! 祝早日收到好消息.
作者: mw7183 時間: 18-7-21 13:02
crazyhippo 發表於 18-7-21 09:52
PRES1已考, 叩門的時間亦已過. 每間學校的新生入學名單亦塵埃落定. 雖然零星叩門成功個案仍然會發生, 但如 ...
我有覺得未必
我小朋友叩門時其中一間講明話收生到9月
另外又有師兄8月先有offer
作者: Ima2008 時間: 18-7-21 13:11
joeyxlma 發表於 18-7-20 23:51
回覆 峰仔媽咪 的帖子
我估和買六合彩一樣, 唔買一定唔中...
你講得啱! 早幾年我識人派寶校, 於是周圍叩門, 到八月份陸續收到學校電話通知收佢, 最後佢選咗ㄧ間津校, 放咗幾間學校(私校、直資、官津校都有)。佢同其他冇着落嘅朋友傾開, 佢朋友馬上打電話去哩啲應該仲有位嘅學校, 其中ㄧ間學校叫佢地馬上去面試, 面試完, 好快就收到通知收佢。所以大家唔好放棄, 繼續努力, 加油!
作者: Heihomami 時間: 18-7-21 13:56
回覆 Ima2008 的帖子
冇可能同時hold 住直資同官津中學喎
作者: kirstyau 時間: 18-7-21 14:25 標題: 回覆樓主:
作者: Ima2008 時間: 18-7-21 15:23
Heihomami 發表於 18-7-21 13:56
回覆 Ima2008 的帖子
冇可能同時hold 住直資同官津中學喎
不是同ㄧ日出offer, 係陸陸續續通知佢, 有D可以畀佢holdㄧ個上午
作者: joeyxlma 時間: 18-7-21 16:17
回覆 Ima2008 的帖子
是的，這樣情況過去也有聽說。知道那間有人放位去機會會較高。
作者: 峰仔媽咪 時間: 18-7-21 20:39
即填番學校叩門表，成績表，證書寄去學校，
還要寫封叩門信嗎？中文可以嗎？
多謝指教。
作者: 大件仔 時間: 18-7-22 15:57
如果筆試做得唔好, 連面試都無分, 再打去仲有無用?
見幾間學校有同校同學一起叩, 但其他同學就成功, 自己一間都叩唔到, 個心已經好失落, 可能再打去都無乜機會
作者: crazyhippo 時間: 18-7-22 16:40
大件仔 發表於 18-7-22 15:57
如果筆試做得唔好, 連面試都無分, 再打去仲有無用?
見幾間學校有同校同學一起叩, 但其他同學就成功, 自己 ...
作者: mw7183 時間: 18-7-22 16:45
大件仔 發表於 18-7-22 15:57
如果筆試做得唔好, 連面試都無分, 再打去仲有無用?
見幾間學校有同校同學一起叩, 但其他同學就成功, 自己 ...
你派左邊間？
果日有無去叩李國寶？
作者: 大件仔 時間: 18-7-23 10:09
直資，津校都有叩，因為亞仔數學做卷慢，所以幾間學校數學卷都做唔曬，唔知係咪咁而影響佢全部冇得面試，其實佢在學校數學科考試又冇咁嘅問題，數學科都係A/B，我估計死因都是呢個
作者: crazyhippo 時間: 18-7-23 10:17
本帖最後由 crazyhippo 於 18-7-23 10:55 編輯
好幾間熱門直資好似無數卷做. 一般都係面試.
X祟就係筆試 (媽咪朋友資訊)
培x 應係面試(谷內資訊)
npl, 分組上台面試 (谷內資訊)
LKP面試到>8:00PM (媽咪朋友資訊)
聖XX利都係面試 (谷內資訊)
港X係學校選人, 無筆試 (谷內資訊)
其他直資就吾清楚啦
作者: mw7183 時間: 18-7-23 10:35
大件仔 發表於 18-7-23 10:09
直資，津校都有叩，因為亞仔數學做卷慢，所以幾間學校數學卷都做唔曬，唔知係咪咁而影響佢全部冇得面試，其 ...
李國寶我地都有去只系見面無考筆試
作者: s2000 時間: 18-7-24 13:22
回覆 amkkwan 的帖子
我記得放榜之後兩日 我有打電話去學校問問情況學校的回覆就是 ： 我哋而家已經沒有位了 如果有位會致電家長
但是之後第日就收到電話啦
作者: kirstyau 時間: 18-7-24 23:38
s2000 發表於 18-7-20 17:17
記得放榜當日 孩子派左一間我都不認識嘅學校 當時心情還沒有什麼 因為諗住叩門應該都得掛
結果當日我一次過 ...
| 歡迎光臨 教育王國 (/) |
Powered by Discuz! X1.5 |